Природните катастрофи во Кина во првите девет месеци од 2026 година предизвикале директни економски загуби од 199,36 милијарди јуани, односно околу 25,7 милијарди евра, соопшти кинеското Министерство за управување со вонредни ситуации.

Меѓу главните причини за штетите се тајфуните, поплавите, обилните врнежи и геолошките катастрофи, пренесува „Ројтерс“.

Министерството објави и дека во катастрофата што во август ги погоди областите на Непал и Тибет загинале или исчезнале вкупно 562 лица. Овој број е непроменет во однос на претходниот официјален извештај.