Соединетите Американски Држави многу наскоро ќе ја нападнат подземната база Пикакс во Иран. Американскиот претседател Доналд Трамп ја изнесе оваа најава за време на средбата со либанскиот претседател Џозеф Аун во Белата куќа. Станува збор за утврдена локација која иранските власти ја пријавија за производство на нуклеарно гориво.

Доналд Трамп информацијата ја изнесе за време на средбата со претседателот на Либан, Џозеф Аун. Тој пред присутните во Вашингтон посочи дека американските сили многу наскоро ќе извршат напад врз планината Пикакс, без да наведе дополнителни детали за тајмингот на воената акција.

Метата на најавениот напад е силно утврден подземен објект сместен на оддалеченост од 1.600 метри јужно од градот Натанц во централен Иран. Официјален Техеран во 2020 година формално го пријави комплексот до Меѓународната агенција за атомска енергија (МААЕ).

Според иранската документација, просторот треба да служи како постројка каде ќе се составуваат центрифугите потребни за производство на нуклеарно гориво.