Полицијата го приведе 87-годишниот скопјанец кој возеше во спротивен правец на Партизанска

По објавена видеоснимка на социјалните мрежи, полицијата привремено го одзеде автомобилот и најави кривична пријава за безобѕирно управување со моторно возило.

Полициски службеници од Полициската станица Карпош при Секторот за внатрешни работи (СВР) Скопје денеска, 21 ноември 2026 година, го лишија од слобода 87-годишниот И.Г. од Скопје. Тој е приведен откако на социјалните мрежи беше објавена снимка на која се гледа како управува патничко возило во спротивен правец по булеварот „Партизански одреди“. Против него ќе биде поднесена кривична пријава, а автомобилот му е привремено одземен.

Идентификацијата и приведувањето на возачот уследија по реакција на Полициската станица од општа надлежност (ПС ОН) Карпош при СВР Скопје. Полицијата презела мерки веднаш по објавувањето на видеозаписот на социјалните мрежи, на кој е документирано движењето на патничкото возило во спротивна насока на една од најфреквентните сообраќајници во главниот град, булеварот „Партизански одреди“.

Со извршените проверки полициските службеници утврдиле дека зад воланот се наоѓал И.Г. (87) од Скопје. Лицето веднаш е лишено од слобода.

По приведувањето, со И.Г. бил извршен службен разговор во просториите на Полициската станица Карпош. Од Министерството за внатрешни работи информираат дека во консултација со јавен обвинител против него ќе биде поднесена кривична пријава по член 297-а, став 1 од Кривичниот законик, кој се однесува на безобѕирно управување со моторно возило.

Како дел од мерките за обезбедување на постапката, полицијата привремено го одзела патничкото возило со кое бил извршен прекршокот.

Возењето во забранета насока на автопат, експресен пат или на пат со две коловозни ленти наменети за сообраќај во една насока, со што се доведува во опасност животот или телото на луѓето, е опфатено како кривично дело во македонскиот Кривичен законик (член 297-а).


За сторителот на ова дело законот предвидува парична казна или казна затвор до три години, како и можност за трајно одземање на возилото со кое е сторено кривичното дело доколку тоа е во сопственост на сторителот.

е-Трн да боцка во твојот инбокс