Хрватското Министерство за здравство и Федералното министерство за здравство на Босна и Херцеговина денеска потпишаа договор за соработка во итната медицина. Целта на овој документ е континуитет и унапредување на прекуграничното медицинско згрижување на пациенти кои се во животозагрозувачка состојба.
Документот за соработка го потпишаа хрватската министерка за здравство Ирена Хрстиќ и федералниот министер за здравство на БиХ, Недиљко Римац. Договорот директно се однесува на итното медицинско згрижување на хрватски државјани кои се наоѓаат на подрачјето на Дубровничко-неретванската и Сплитско-далматинската жупанија.
Медицинските интервенции според овој договор ги покриваат оние пациенти на кои им е неопходна итна реакција поради неочекувана болест, страдање или тешка повреда.
