Регулаторната комисија за енергетика и водни услуги донесе одлука за утврдување на малопродажните цени на горивата.

Според одлуката, вечерва на полноќ цените на горивата се зголемуваат во просек за 3.59%.

Цените на бензините се зголемуваат за по 1.5 денари, па еден литар ЕУРОСУПЕР-95 ќе се продава по цена од 87.00 денари, додека еден литар ЕУРОСУПЕР-98 ќе се продава по цена од 89.00 денари.

Цената на дизелот се зголемува позначително, односно за дури 5.5 денари. Со зголемувањето, еден литар ЕУРОДИЗЕЛ ќе се продава по цена од 88.00 денари.

Од вечерва на полноќ ќе важат следните цени:

• Моторен бензин – ЕУРОСУПЕР БС – 95 – 87,00 (денари/литар)
• Моторен бензин – ЕУРОСУПЕР БС – 98 – 89,00 (денари/литар)
• Дизел гориво – ЕУРОДИЗЕЛ БС (Д-Е V) – 88,00 (денари/литар)
• Масло за горење – Екстра лесно 1 (ЕЛ-1) – 86,00 (денари/литар)
• Мазут М-1 НС – 42,168 (денари/килограм)

Од РКЕ додаваат дека трговците на големо и трговците на мало со нафтени деривати и горива за
транспорт можат да ги формираат цените на одделни нафтени деривати и горива за
транспорт и пониско од највисоките цени утврдени со одлуката на Комисијата.