Услуги за DDoS-напади на дарк веб се нудат по цени од 30 до 2.000 долари, покажува истражување на Kaspersky Digital Footprint Intelligence. Износот зависи од целта, времетраењето и можностите што ги нудат извршителите.

Истражувачите анализираа повеќе од 256.000 објави поврзани со вакви напади и идентификуваа 148 актери активни најмалку од 2024 година.

Извештајот издвојува три модели: ангажирање трета страна за напад, претплата на алатки за негово изведување и користење сопствена инфраструктура. Меѓу набљудуваните понудувачи на посредувани напади, 65% се рекламирале на сајберкриминални форуми, а 35% користеле Telegram и Discord.

Според „Касперски“, ниските цени и лесната достапност ги прават овие услуги привлечни за злонамерни актери. Нападите се насочени кон преоптоварување на инфраструктурата или директно попречување на работата на веб-страниците и онлајн-сервисите.

Компанијата предупредува дека подготовката за DDoS-напади треба да биде дел од основното планирање на сајбербезбедноста. Разбирањето на пазарот на кој се нудат ваквите услуги, посочуваат истражувачите, е важно за подобра процена на заканите и организирање на одбраната. N1 info