Иран издаде остро предупредување дека ќе изврши напади врз цивилната инфраструктура низ Блискиот Исток, вклучувајќи мостови и енергетски објекти, доколку Соединетите Американски Држави нападнат ирански цели. Предупредувањето, пренесено преку иранската агенција Тасним, доаѓа како одговор на претходна изјава на американскиот претседател Доналд Трамп, кој најави дека САД ќе ги таргетираат иранските мостови и електрани по секој напад на Револуционерната гарда врз бродови во Ормутскиот теснец.

Според извештајот, директниот повод за иранскиот одговор е претходна изјава на Трамп дека САД ќе ги таргетираат иранските мостови и електрани секој пат кога припадници на Револуционерната гарда ќе отворат оган врз бродови во Ормутскиот теснец.

Иранската агенција Тасним, повикувајќи се на неименуван висок воен извор, ја пренесе позицијата на воeното раководство во Техеран. Изворот изјави дека Иран „има челична волја да го оствари својот суверенитет над Ормутскиот теснец“ и додаде дека земјата никогаш повеќе нема да дозволи овој премин да стане безбедносна закана.

Заканите од двете страни, иранската за цивилна инфраструктура и американската за мостови и електрани, предизвикаа загриженост на глобалните пазари.

Ормутскиот теснец е една од најважните поморски точки во светот за транспорт на нафта. Секој директен вооружен судир во оваа област, во комбинација со уништување мостови и електрани во регионот, би довел до непредвидливи економски и геополитички последици, стои во извештајот.