Продолжениот викенд во Македонија завршува, а тоа по правило значи и големи колони за влез во државата особено од Грција.

Според сведоштва на граѓани на социјалните мрежи, попладнево на Евзони за излез од Грција кон Македонија се чека околу час и половина.

Колоната возила се протега од патарината па се до граничниот премин, а освен македонски, има доста автомобили со српски, унгарски и германски регистарски таблички.

Слично е и на Граничниот премин Дојран, додека најмалку гужви има на ГП Меџитлија каде за влез во Македонија не се чека повеќе од десеттина минути.