Најмалку 930 лица починале во епидемијата на ебола во Демократска Република Конго, соопшти Министерството за здравство на земјата. Заклучно со саботата се потврдени 2.344 случаи на зараза, а во последните 24 часа се регистрирани уште 37 смртни случаи.

Епидемијата, која беше прогласена на 15 мај во источниот дел на Конго, е најбрзо распространетата епидемија на ебола досега. Причинител е вирусот Бундибугјо, поретка варијанта на ебола, за која сè уште не постои одобрена вакцина.

Здравствените власти предупредуваат дека справувањето со кризата е дополнително отежнато поради нападите врз здравствени установи и медицински тимови во најпогодената провинција Итури. Дел од здравствените работници ја напуштиле работата поради неисплатени плати, а досега од вирусот починале и најмалку 36 медицински лица.

Во моментов, 724 пациенти се наоѓаат во изолација и се лекуваат во болнички установи.