Arte.TV, европска канал на јавен сервис посветен на културата неодамна го објави 30 минутниот документарен филм посветен на аерозагадувањето во Македонија.
Во документарниот филм е претставен животот на Игор Смилев кој го одбележува болка и чувство на немоќ. 48-годишникот ги загубил родителите и сестрата од рак и е убеден дека причината за нивната болест лежи во воздухот… Игор во документарниот филм ја раскажува судбината на своето семејство а преку неа и судбината на многу семејства слични на него од Велес и до Скопје. Според податоците на Arte. TV, со децении, Северна Македонија има најлошо ниво на загаденост на воздухот во Европа.
Како одговорен европски јавен медиум, ARTE е посветен на прашања кои се важни за европските граѓани: борба против нееднаквоста, без разлика дали е социјална, културна, економска, географска, поврзана со родови или попреченост и промовирање одржлив развој.
ARTE е француско-германска и Европска авантура. Платформата за стриминг на јавниот сервис и ТВ каналот ARTE ја поддржува креативноста и културата во сите форми. Програмите се достапни на сите уреди и екрани низ Европа и пошироко. Основачите на АРТЕ веруваа дека заедничкиот телевизиски канал треба да ги зближи француските и германските граѓани на културно ниво и да ја промовира културната интеграција низ Европа.
Arte (Асоцијација поврзана со европската телевизија) е составена од три одделни компании чии програми се фокусираат на публиката генерално во Франција и во Германија. 80% од програмите на Arte го обезбедуваат нејзините француски и германски подружници, а секоја сочинува половина од програмите. Избраните програми се достапни со англиски, шпански, полски и италијански преводи на интернет. Каналот е широко достапен во Европа. И германската и француската верзија може да се примат во речиси цела Европа.
Околу 56% од програмите се документарни, 19% играни филмови, драми и серии, 14% програми поврзани со вести, додека 5% играна музика и други изведувачки уметности.
https://www.arte.tv/en/videos/115492-005-A/re-pollution-in-north-macedonia
