Возачите кои денеска планираат да патуваат кон Грција треба да сметаат на значителни задржувања на граничните премини поради штрајк на грчките царински службеници.

Според најавите, цариниците ќе штрајкуваат од 5:00 до 9:00 часот, а во тој период трите гранични премини меѓу Македонија и Грција ќе работат со ограничен режим. Возилата ќе се пропуштаат на секои 10 минути, што може да предизвика долги колони и повеќечасовни чекања. На патниците им се препорачува, доколку се во можност, да го избегнат патувањето во овој временски интервал и да тргнат по 9 часот, кога се очекува нормализирање на сообраќајот.

Министерството за внатрешни работи претходно соопшти дека ќе ги преземе сите неопходни мерки и дека ќе бидат ангажирани сите расположливи човечки и технички капацитети за да се олесни протокот на патници и возила