Основана во 1946 година и со седиште во Брно, Зетор ќе го премести производството во Индија, каде веќе произведува повеќето од своите трактори во последниве години, а истовремено бара и партнер во Кина.

„Производството на мали и средни трактори во Европа нема смисла под тековните услови”, изјави оперативниот директор Роберт Харман во соопштение, пренесува Ројтерс.

Потегот ја истакнува пошироката дебата за конкурентност во рамки на Европската Унија, каде значително повисоките цени ја ставаат унијата во понеповолна позиција во однос на Соединетите Американски Држави и Кина. Зетор соопшти дека суровините се 30 до 35 отсто поевтини во Кина или Индија и дека многу нејзини добавувачи веќе се преселиле од Европа во Азија, што ги зголемило увозните трошоци.

Брно ќе остане седиште на компанијата, развојниот центар и новиот центар за резервни делови и дистрибуција, пренесува Радио Прага Интернешнл. Зетор фактички веќе постепено го намалувал локалното производство од 2024 година, само склопувајќи трактори во Брно откако го прекинала сопственото производство на мотори и менувачи.

Промената засега 33 чешки работни места директно поврзани со производството, иако персоналот кој работи во сервисирање, логистика, продажба, маркетинг и други сегменти ќе останат во седиштето во Брно.