Најмалку 53 лица го загубија животот во силниот земјотрес со магнитуда од 7,4 степени што ја погоди Колумбија, соопштија локалните власти. Спасувачките тимови и итноте служби се на терен во погодените региони, додека проценката на штетите и пребарувањето под урнатините сè уште траат, поради што властите стравуваат дека бројот на жртвите може дополнително да порасне.
Според официјалните податоци од терен, најтешко е погоден департманот Ваље дел Каука, каде што се наоѓа градот Кали, со потврдени 27 смртни случаи. Голема штета и човечки жртви се забележани и во Переира, главниот град на департманот Рисаралда, каде што загинаа најмалку 18 луѓе.
Un terremoto de magnitud 6.6 – 7.4 sacudió a Colombia a las 7:34 a.m. de este 10 de agosto. El epicentro fue en San José del Palmar (Chocó), a 96 km de profundidad.
— Jhannely González | Periodista (@gazareportes_ve) August 10, 2026
El temblor se sintió con fuerza en Bogotá, Medellín, Cali y Bucaramanga, generando evacuaciones preventivas. Las… pic.twitter.com/Ra8k6jKzsF
Гувернерката на департманот Чоко, Нубиа Каролина Кордоба, потврди четири смртни случаи во оваа област, која воедно беше и епицентар на разорниот земјотрес. Во Манизалес, главниот град на департманот Калдас, властите потврдија уште три жртви. Дополнително, еден 73-годишен маж го загуби животот во Тамесис, во департманот Антиокија, откако врз него паднала карпа предизвикана од одрон за време на потресот.
