Во првите десет дена дневните температури треба да се движат меѓу 31 и 35 степени. Најтопло се очекува да биде на 2, 8 и 9 септември, со прогнозирани 35 степени. Ноќните температури ќе останат високи, меѓу 17 и 20 степени.

Првата позначителна промена се најавува на 12 септември, кога максималната температура треба да се спушти до 27 степени.

Уште поголем пресврт се очекува од 13 септември. Прогнозата покажува 20 степени и 60 проценти веројатност за врнежи, а на 15 септември дневната температура би можела да падне до само 16 степени.

Свежото време треба да продолжи и во наредните денови. Од 19 до 21 септември се прогнозираат максимални 15 степени, со зголемена веројатност за дожд на 19 и 20 септември.

Кон крајот на месецот температурите повторно би се зголемиле. На 29 септември се прогнозираат 26 степени, а на 30 септември 25 степени.

Месечните временски прогнози се ориентациски и имаат помала сигурност за подалечните датуми. МСН ги означува првите десет дена како краткорочна прогноза, додека останатиот период е дел од поширока 30-дневна процена која може значително да се промени.