Викендот на гордоста Скопје 2025 кој ќе се одржува по тринаесетти пат оваа година не доби никаква поддршка од Министерството за култура, објавија тие на Својата ФБ страна.
,,Фактот што нашиот фестивал ужива голема меѓународна препознаеност, што успеа низ годините да изгради своја, постојано растечка публика, и во континуитет да претставува врвни светски, локални, и регионални уметници од областа на перформанс уметноста, современиот танц, и визуелните уметности, како и да креира културен простор за квир заедницата и жените, очигледно за хомофобичните, трансфобичните и мизогини структури на власт и во Министерството не значат ништо”, велат од Skopje Pride.
Како илустрација, појануваат како во текот на изминатите години учество на Фестивалот зеле многумина светски реномирани уметници, вклучително: Vaginal Davis (САД/ГЕР), Boryana Rossa (БУГ/САД), CASSILS, француското дуо Helene Barriere и Victor Marzouk, Dominic Johnson (ВБ), дрег кабаре колективот од Белград – Ефемерни исповеди, The John (МКД), Ивана Драгшиќ (МКД), Aerea Negrot (ГЕР), Del LaGrace Volcano (САД), Иво Димчев (Бугарија), Franko Dota (ХРВ), David Hoyle and the Lipsinkers (ВБ), Travis Alabanza (ВБ), Ron Athey (САД), Rachael Young (UK), boychild (САД), Hermes Pittakos (ГРЦ), PANSY (ГЕР), Lauren Berlant (САД), David M. Halperin (САД), Felix Gonzalez-Torres (САД), Pauline Boudry и Renate Lorenz (ГЕР/Швајцарија), Karin Michalski (ГЕР), Federica Dauri (ИТА), Христина Иваноска, Велимир Жерновски (МКД), Keijaun Thomas (САД), STEAM ROOM (Мкд/БГ/ШВД), Јован Јосифовски (МКД), FRANKO B (ВБ/ИТА), Nao Bustamante и Marcus Kuiland Nazario (САД), SPIT! Manifesto Collective (ВБ), Дарко Алексовски (МКД), Зорица Зафировска (МКД), Јелисавета Благојевиќ (СРБ), џез триото СВЕТЛОСТ (МКД), Wolfgang Tillmans (ГЕР), Јане Чаловски (МКД), Јасмина Тумбас (САД), Julie Tolentino и Stosh Fila (САД), Julischka Stengele (АУС), Нора Стојановиќ (МКД), Милош Коџоман и Драгољуб Бежан (МКД), Александар Георгиев (МКД), Matthieu Hocquemiller (ФРА), Hoedy (ЛИБ), Karol Radziszewski (ПОЛ), Malik Nashad Sharpe (ОК/САД), Shirley Harthey Ubilla (Чиле/Шведска), Marina Grzinic (СЛО), Sara Ahmed (ВБ), Harald Beharie (Норвешка), Margarida Alferiao (ПОР) и многу други.
,,Тимот на Фестивалот во овие исклучителни кризни времиња ќе ги вложи сите напори, во име на пркосот и истрајноста, да претстави барем дел од договорената и предвидена програма. Со повеќе информации очекувајте нѐ во следните месеци” порачуваат организаторите.
