Националната установа Завод за заштита на спомениците на културата и Музеј – Охрид вечерва свечено ја отвора големата јубилејна изложба насловена „Македонски автори од Збирката на современа уметност“, настан кој се организира по повод одбележувањето на 75 години од успешното и плодно постоење на оваа значајна институција.

Како што информираат од раководството на охридскиот Завод и Музеј, оваа ексклузивна изложба претставува внимателно селектиран избор од уметнички дела на највпечатливите македонски автори кои со своите трудови се застапени во богатата музејска збирка. Самата поставка овозможува редок и сеопфатен увид во неколку суштински развојни линии на македонската ликовна уметност во текот на целиот дваесетти век.

Преку изложените дела, ликовната публика и бројните домашни и странски посетители ќе имаат единствена можност одблиску да проследат различни естетски пристапи, карактеристични поетики и автентични уметнички изрази, почнувајќи од самите основоположници на македонската модерна, па сè до авторите кои со својот ангажман ја развиваа и надградуваа современата ликовна мисла во втората половина на минатиот век.

Од институцијата потенцираат дека оваа престижна јубилејна манифестација е уште една силна потврда за високиот професионален континуитет со кој Музејот во Охрид со децении наназад посветено ја чува, научно ја проучува и ја афирмира домашната уметност како значаен и нераскинлив дел од колективната културна меморија на македонскиот народ.

Големата празнична изложба ќе биде официјално достапна за сите љубители на уметноста и ќе остане отворена за посети во Охрид сè до 8 јули годинава.