Американскиот претседател Доналд Трамп предизвика вистинска бура во светската јавност со својата изненадувачка изјава во која прогласи победа и официјален крај на конфликтот со Иран. Тој преку специјално видеообраќање објави дека војната е завршена, но реалноста на теренот и официјалните реакции испраќаат комплетно деструктивни и контрадикторни сигнали.

Властите во Техеран веднаш најостро го демантираа постоењето на каков било легитимен мировен договор, додека воените напади и воените дејствија во кризниот регион сè уште продолжуваат без никакви знаци за реално примирје на теренот. Иран и понатаму одбива клучни отстапки, Ормускиот Теснец останува сериозно нарушен за редовен бродски сообраќај, а на терен продолжуваат да избувнуваат нови судири.

Меѓународните набљудувачи и аналитичари велат дека зад ваквиот изненадувачки и избрзан маневар на американскиот претседател и Републиканската партија се кријат внатрешнополитички калкулации во пресрет на клучните избори за Конгресот кои треба да се одржат во ноември. Голем дел од републиканските конгресмени отворено стравуваат дека доколку војната продолжи, републиканското мнозинство би можело целосно да ја изгуби контролата врз Конгресот на претстојните избори.

За многумина, оваа епизода изгледа како скап политички и воен ќор-сокак, кој наместо да го ослаби Техеран, дополнително го зајакна регионалниот наратив за ирански отпор. Во меѓувреме, Трамп ги ублажува заканите за ескалација и се обидува кризата да ја претстави како можност за договор.

Пазарите првично реагираа позитивно на најновите вести, со раст на американските акции и пад на цените на нафтата. Но, продолжувањето на нападите на терен покажува дека „големото решение“ сè уште е далеку од сигурно.