Специјална Олимпијада Северна Македонија (СОМ), како водечка спортска организација во
државата која се грижи за спортот за лицата со интелектуална попреченост, и оваа година ќе биде дел
од 26. издание на Европската фудбалска недела (#EFW2026) – годишна иницијатива во рамките на
Специјална Олимпијада Европа – Евроазија (S0EE) која опфаќа низа фудбалски активности што се
одржуваат низ целиот континент.

Настанот ќе се одржи утре, сабота (30.05.2026) со почеток во 9:30 во спортскиот центар на ФК Вардар во населбата Хиподром во Скопје.

Предвидени се фудбалски активности – Тренинг полигони и натпревари (со практична примена на
“unified“ концептот меѓу партнерите и атлетите на Специјална олимпијада Македонија

Во рамките на 26. Издание на Европската фудбалска недела, во над 40 земји, на повеќе од 300 настани,
ќе се стави фокус на фудбалската игра и партнерствата кои преку спортот и фудбалот градат
инклузивни средини.

Под мотото “Силата на партнерствата”, Специјална Олимпијада Македонија ќе организира
инклузивен фудбалски настан, со натпревари и активности во чии рамки учество ќе заземат атлетите
од СОМ заедно со своите “Unified“ партнери.