Две сопатнички се здобиле со тешки телесни повреди, а останатите осум патници поминале со телесни повреди.

Десет лица се повредени во сообраќајна несреќа што се случила синоќа на регионалниот пат Куманово – Свети Николе.

Според информациите од Министерството за внатрешни работи, несреќата била пријавена во ОВР Свети Николе во 20:55 часот.

Во несреќата учествувало патничко комбе „фолксваген“ со кумановски регистарски ознаки, управувано од 55-годишниот М.Т. од Свети Николе. Комбето удрило во паркирано товарно возило „ман“ со светиниколски регистарски ознаки.

Во судирот, две сопатнички во комбето се здобиле со тешки телесни повреди. Останатите осум патници, кои исто така се наоѓале во комбето, поминале со телесни повреди.

Сите десет повредени лица биле пренесени во Клиничката болница во Штип, каде што им била укажана медицинска помош и биле констатирани повредите.

Увид на местото на несреќата извршила увидна екипа од ОВР Кочани.