Украинскиот претседател Володимир Зеленски го избра генералниот директор на државната компанија „Нафтогас“, Сергеј Корецки, за нов премиер на Украина.

Според украинските медиуми, Зеленски ја донел одлуката во рамки на поширока реконструкција на владата, чија цел е подобрување на управувањето со државата во услови на војна и економски притисоци.

Корецки е на чело на „Нафтогас“, најголемата украинска енергетска компанија, а претходно раководел со повеќе компании во енергетскиот сектор. Тој важи за менаџер со долгогодишно искуство во корпоративното управување.

Предлогот треба да биде потврден од украинскиот парламент, кој гласа за избор на нов премиер.

Доколку биде избран, Корецки ќе ја преземе функцијата во период кога Украина се соочува со безбедносни, економски и енергетски предизвици, а владата работи на продолжување на реформите и меѓународната соработка.