Руски сили извршиле напад врз градот Запорожје на повеќе локации, при што биле употребени десетици дронови „Shahed“ насочени кон станбени области, соопшти регионалната полиција. Еден од ударите предизвикал голем пожар во трикатна станбена зграда, при што дел од жителите останале заробени во објектот. Според властите, оштетени се и други цивилни објекти, меѓу кои домови и дел од зградата на Националниот универзитет во Запорожје.

Гувернерот на регионот, Федоров, потврди дека во нападот загинала една личност. Подоцна полицијата соопшти дека станува збор за маж кој починал кога дрон удрил во неговото возило.Исто така е потврдено дека најмалку седум лица се повредени. Првично беше соопштено дека четворица имаат повреди од шрапнели, повреди на глава и контузии, додека медицинските екипи продолжуваат да им укажуваат помош на повредените.

Зрачната тревога во градот останала активна и во раните утрински часови на 17 јуни, при што биле пријавени и FPV дронови во областа. Властите апелирале граѓаните да останат во засолништа и да пријавуваат локации каде е потребна итна интервенција.