Во крвав инцидент за време на фестивал за храна во Сиетл загинаа три лица, а најмалку петмина се ранети, меѓу кои и двегодишно дете. Трагедијата се случи во близина на кулата „Спејс нидл“, околу 18 часот по локално време. Полицијата брзо интервенираше на терен, при што еден осомничен веднаш се предаде по преговорите, додека вториот напаѓач сè уште се наоѓа во бегство.
Нападот се случи во моменти кога полициски екипи веќе беа присутни на самиот настан, што овозможи брза реакција на силите за безбедност. Помошник-шефот на полицијата во Сиетл, Тајрон Дејвис, потврди дека две лица починале директно на местото на настанот, додека третата жртва им подлегнала на повредите подоцна во болница.
Градоначалничката на Сиетл, Кејти Вилсон, соопшти дека еден осомничен е приведен. Според полицискиот началник, полицајците преговарале со еден од напаѓачите кој веднаш се предал, но потврди дека друг осомничен е во бегство.
News: Seattle Mass shooter terrorist has been know by locals to be an extremely aggressive mentally ill man although cornered a woman in the 711 store nearby 2 months ago and forced her to recite the Quran while he pleased himself, this adds just on top to him being affiliated… pic.twitter.com/l0V3BnQo4J
— OsintRetriever (@OsintRetriever1) July 27, 2026
Очевидците раскажуваат за моментите на страв кога се слушнале истрелите околу 18 часот. Ник Бејтон за телевизијата KIRO-TV изјави дека присутните првично помислиле дека се работи за огномет, пред луѓето да почнат панично да бегаат.
Друг очевидец, Лин Колс, опиша како се спуштила ниско во градината за да побара засолниште, нагласувајќи дека ситуацијата била исклучително застрашувачка. Конгресменката од Сиетл, Прамила Џајапал, го осуди овој чин и го нарече нападот „бесмислено насилство“.
