Триесет и едногодишен маж од Струга бил задржан на лекување во струшката болница по несреќата.

Стружанец се повредил со харпун додека ловел риба во Охридското Езеро, соопшти полицијата.

Според информациите од МВР, на 18 јуни 2026 година, во 22:25 часот, во Полициската станица за граничен надзор „Охридско Езеро“ било пријавено дека И.М. од Струга, на возраст од 31 година, сам се повредил при риболов со харпун.

Несреќата се случила во водите на Охридското Езеро, во близина на автокамп на охридското крајбрежје.

Повредениот бил пренесен во болницата во Струга, каде бил задржан на лекување.