Парното греење во Скопје би можело повторно да поскапи од почетокот на 2027 година. Компаниите од секторот за топлинска енергија бараат корекција на одобрените приходи и повисоки тарифи. За цената, спеак, ќе одлучи Регулаторната комисија за енергетика (РКЕ).

Од ЕСМ посочуваат дека природниот гас на берзата EEX/TTF во октомври бил околу 60 отсто поскап од цената што била земена предвид при одобрувањето на сегашните тарифи. РКЕ треба да ги провери пријавените трошоци и да утврди кои од нив се оправдани пред да одлучи дали и за колку ќе поскапи парното.

Парното веќе поскапи во август

Од 1 август сметките за централно греење во Скопје се повисоки за 3,6 до речиси 6 отсто, во зависност од операторот. Најголемо зголемување имаше кај домаќинствата што ги снабдува „ЕСМ Снабдување“, каде што цената на топлинската енергија порасна за 5,96 отсто.