Високите температури и долгото изложување на сонце можат да доведат до дехидратација и губење на важни минерали. Експертите советуваат по вакви денови во исхраната да се внесат намирници богати со вода, електролити и антиоксиданси за побрзо закрепнување на организмотПо ден поминат на плажа, планина или под силно сонце, правилната исхрана е исто толку важна како и внесувањето доволно течности. Одредени намирници можат да му помогнат на телото побрзо да ги надомести изгубените течности и хранливи материи. На листата се наоѓа лубеницата, која поради високата содржина на вода придонесува за рехидратација, а истовремено обезбедува витамини А и Ц. Краставицата е уште еден одличен избор бидејќи содржи големо количество вода и помага во освежување и хидратација на организмот. Јогуртот е препорачлив поради протеините, калциумот и пробиотиците, кои придонесуваат за обновување на организмот и подобра дигестија. Бананите се богат извор на калиум, минерал што често се губи преку потењето, па затоа можат да помогнат во воспоставување на електролитната рамнотежа. На листата се и доматите, кои содржат ликопен и други антиоксиданси што придонесуваат за заштита на клетките од оксидативен стрес предизвикан од изложување на сонце. Покрај правилната исхрана, лекарите советуваат и доволен внес на вода, избегнување алкохол по подолго изложување на сонце и престој во ладовина додека организмот целосно не се опорави.