Канцеларијата за човекови права на Обединетите нации повика на посилна регулација и поголем надзор врз онлајн платформите, со цел децата да бидат подобро заштитени во дигиталниот простор.

Високиот комесар на ОН за човекови права, Фолкер Тирк, порача дека заштитата на децата на интернет е итен приоритет, но предупреди дека мерките мора да бидат спроведени внимателно и правилно.

Повикот доаѓа во период кога сè повеќе држави размислуваат за ограничувања на користењето социјални мрежи од страна на малолетници, како и за построги правила за мобилни телефони во училиштата.

ОН предупредува дека дигиталните платформи мора да бидат побезбедни за децата, а владите да преземат поактивна улога во заштитата од штетни содржини, злоупотреби и ризици што ги носи онлајн просторот.