Македонската поетеса Марина Мијаковска ја објави својата прва книга на српски јазик, стихозбирката „Млечни прозори / Млечни прозорци“, во издание на белградската издавачка куќа „Арте“.

Книгата претставува избор од поетското творештво на Мијаковска, обединувајќи песни од нејзините стихозбирки „Номадска душа“, „Куфери“, „Психоаналитичка алхемија од страсти“, „Постела на тишината“, „Коскена“ и „Свилени времиња“.

Изданието е двојазично, на македонски и српски јазик, а препевот го потпишуваат Марина Мијаковска и Миодраг Јакшиќ, кој воедно е и главен и одговорен уредник на книгата.

Со објавувањето на „Млечни прозори / Млечни прозорци“, поезијата на Мијаковска станува подостапна за српската читателска публика, отворајќи нов простор за претставување на современото македонско поетско творештво во регионот.

Промоцијата на стихозбирката е закажана за 31 октомври 2026 година, во 15 часот, во салата „Васко Попа“, во рамките на 69. Меѓународен саем на книгата во Белград.

Ова ќе биде прво претставување на новото двојазично издание пред публиката на белградскиот саем.