Студент успеал да го искористи Chat GPT-4 и јавно достапен хардвер за да ги креира RizzGPT и LifeOS, системи дизајнирани во реално време да ви ги избираат вистинските реченици за секој разговор.
Чет-ботови со вештачка интелигенција кои можат да креираат убедлив текст се вистински хит во моментов, но што ако можете да носите таков на вашето лице за да ви дава сугестии за што да кажете во секој даден момент?
„Кажете им збогум на непријатните состаноци и интервјуа за работа“, твитна во март еден студент програмер од Стенфорд по име Брајан Чианг. „Го направивме rizzGPT – Харизма како услуга во реално време (CaaS). Го слуша вашиот разговор и точно ви кажува што да кажете следно“.
Чианг е еден од многуте програмери кои се обидуваат да создадат автономен агент – т.н. авто-GPT – користејќи го јазичниот модел GPT-4 на OpenAI. Програмерите на авто-GPT модели се надеваат дека ќе создадат апликација која може сама да прави голем број работи, како што се формулирање и извршување листа на задачи и пишување и дебагирање на сопствен код. Во овој случај, Чианг создаде монокл со GPT-4 што луѓето можат да го носат и кога некој ќе му постави прашање на носителот, очилата ќе исфрлат натпис што тој што го носи ќе може да го чита гласно. Ефектот е нешто како DIY верзија на Google Glass.
Во видеото под твитот на Чианг, маж поставува прашања за лажни интервју на личноста зад камерата, која користи RizzGPT за да одговори. „Слушам дека барате работа за да го учите React Native“, вели интервјуерот. “Ви благодариме за вашиот интерес. Го проучував React Native во изминатите неколку месеци и уверен сум дека ги имам вештините и знаењата неопходни за работата“, генерираниот одговор GPT-4 му кажува на интервјуираниот да одговори.
„Мораме да го направиме компјутерот поличен за да може да се интегрира во секој аспект од нашиот живот, а не само кога сме на нашите екрани“, изјави Чианг за Motherboard. „Дури и да сме излезени и да разговараме со пријателите, да шетаме наоколу, чувствувам дека има многу повеќе што компјутерите можат да направат и мислам дека луѓето не размислуваат доволно големо“.
RizzGPT го комбинира GPT-4 со Whisper, систем за препознавање говор создаден од OpenAI и очилата Monocle AR, уред со отворен код. Чианг рече дека генеративната вештачка интелигенција може да ја направи оваа апликација можна бидејќи нејзината способност да перципира текст и аудио ѝ овозможува на вештачката интелигенција да разбере и обработи разговор во живо.
Откако го создаде RizzGPT, Чианг одлучи да ја развива со дополнителен тренинг за да го создаде LifeOS. LifeOS, кој беше обучен со личните пораки на Чианг, сликите на неговите пријатели и други податоци, му овозможи на моноклот да ги препознае лицата на неговите пријатели и да изнесе релевантни детали кога разговара со нив.
Магазинот VICE направиле тест во живо со Чианг за да видат како функционира RizzGPT. Новинарот ги барал најпопуларните прашања за интервју на Google за да му ги постави и го започнал интервјуто велејќи: „Здраво, многу ви благодарам за вашата апликација за позицијата известувач во VICE. Денеска ќе ве интервјуираме за оваа позиција“.
Чианг одговори на сите седум прашања користејќи го RizzGPT адекватно и елоквентно, но сите одговори беа широки и клише.
Како одговор на „Зошто да те вработиме?“ тој рекол: „Ви благодарам за оваа позиција. Верувам дека сум најдобриот кандидат за оваа работа бидејќи имам страст за новинарството и длабоко разбирање на актуелниот медиумски пејзаж“. На прашањето: „Кои се твоите слабости? Тој одговорил: „Мојата најголема слабост е мојата тенденција да бидам премногу ориентиран кон деталите во мојата работа“.
Најкреативниот одговор кој го даде RizzGPT беше одговорот на прашањето: „Ако сте животно, кое животно би сакале да бидете и зошто?“ Чианг одговори, користејќи ја текстот генериран од вештачката интелигенција: „Да бев животно, би сакал да бидам гепард. Тие се неверојатно брзи и агилни, што ја одразува мојата амбиција, желба и фокусирање“.
Чианг призна дека на RizzGPT му треба уште многу работа на хардверот, гласот и персонализацијата. Тој рече дека сè уште е тешко да се носи моноклот удобно, дека одговорите на GPT се заостанати што резултира со непријатна пауза во разговорот и дека моноклот нема способност да се повикува на лични информации без дополнителна обука. Сепак, тој рече дека се надева дека неговите демо снимки можат да ги покажат следните чекори на генеративната вештачка интелигенција и нејзините секојдневни апликации.
„Се надеваме дека со објавувањето на овие забавни демо снимки, тоа им покажува на луѓето дека тоа е она што е можно и ова е иднината кон која се движиме“, рече тој.
Извор: VICE
