Во Лазарополе, во периодот од 27 јуни до 4 јули 2026 година, ќе се одржи 35. сесија на Меѓународната летна школа за архитектура, во организација на Архитектонскиот факултет – Скопје, при Универзитетот „Св. Кирил и Методиј“ во Скопје.
Темата на овогодинешната сесија на школата е „Архитектура: да се влијае и биде под влијание“.
Гостин-тутор на школата ќе биде архитектот Тило Херлах, коосновач и партнер во реномираното архитектонско студио ХХФ Архитекти од Базел, Швајцарија.
Фокус на традиционалните градби и нивната обнова
Работата на летната школа ќе се развива низ неколку фази.
Учесниците ќе анализираат постојни објекти во населбата преку проучување на традиционалните градежни техники користени при изградбата, како и преку истражување на архитектонските елементи и градбени материјали.
Во рамки на школата ќе се врши и евалуација на постојната состојба на објектите и согледување на проблемите со кои тие се соочуваат.
Понатаму, ќе се дискутира за можниот обем и облик на архитектонска интервенција, со цел заштита од пропаѓање и повторна употреба на објектите.
Како завршна фаза, учесниците ќе работат на дефинирање постапка за обнова на објектите.
Свечено отворање во хотел „Калин“
Свеченото отворање на школата е закажано за 27 јуни, сабота, во 19:00 часот, во хотел „Калин“ во Лазарополе.
По отворањето ќе следува предавање од гостин-туторот Тило Херлах.
На школата, заедно со гостин-туторот, ќе работат ассист. д-р Теа Дамјановска, ассист. д-р Михајло Стојановски, ассист. д-р Димитар Крстески и проф. д-р Горан Мицковски, раководител на овогодинешната сесија.
Поддршка и организација
- сесија на Меѓународната летна школа за архитектура е организирана од Архитектонскиот факултет – Скопје.
Школата се реализира со финансиска поддршка на Универзитетот „Св. Кирил и Методиј“ во Скопје, Министерството за култура и туризам на Р.С.М. и Комората на овластени архитекти и овластени инженери на Р.С.М.
