Уште еден голем успех за македонските млади таленти на меѓународната сцена. Млад ученик од Македонија се закити со највисоки признанија на меѓународниот натпревар „Mathematics Olympiads for Elementary and Middle Schools“, каде што покажа исклучителни математички способности и постигна врвни резултати во силна светска конкуренција.

Тој најпрво освои златен медал во екипна конкуренција, а потоа го постигна и највисокиот индивидуален резултат меѓу сите учесници. За своето извонредно достигнување беше награден со престижната George Lenchner Medal, признание што му се доделува на најуспешниот натпреварувач.

Во конкуренција од 56.913 ученици од Соединетите Американски Држави и други земји од целиот свет, младиот Македонец се издвои како најдобар, потврдувајќи го својот исклучителен талент, знаење и посветеност во областа на математиката.

Овој успех претставува резултат на долготрајна работа, дисциплина и љубов кон науката, а воедно е и значајна промоција на Македонија на меѓународната образовна сцена.