Кубанските власти порачаа дека не се заинтересирани за војна со САД, но предупредија дека ќе одговорат на секоја форма на притисок или агресија. Изјавата доаѓа во момент кога односите меѓу двете земји повторно се влошуваат, по серијата американски мерки и зголемен политички притисок врз Хавана.
Тензиите меѓу Вашингтон и Хавана растат веќе неколку месеци. Американската администрација воведе дополнителни санкции и го засили притисокот врз Куба, вклучително и ограничувања за снабдување со нафта, што директно ја погоди економијата на островот. Куба е силно зависна од увоз на енергенси, а ваквите потези доведоа до сериозни недостиг на гориво и прекини во снабдувањето со електрична енергија.
Во исто време, од кубанска страна има сигнали дека и покрај заострената реторика, каналите за комуникација не се целосно прекинати. Кубански дипломати изјавија дека постојат одредени контакти со САД, иако тие сè уште не прераснале во формални преговори.
