Куба започна со дистрибуција на оружје на цивилното население, и на мажи и на жени, во услови на зголемени тензии и стравувања од можна американска воена интервенција. Според локални и регионални медиуми, властите во Хавана ги повикуваат граѓаните на зголемена подготвеност и учество во одбранбени активности, додека ситуацијата во земјата станува сè понапонета.

Во главниот град Хавана и пошироко, секојдневниот живот сè повеќе се прилагодува на сценарија за можен конфликт, а државните институции и организации работат на планови за вонредни мерки. Иако дел од информациите доаѓаат од неофицијални извори, тие дополнително ги засилуваат стравувањата и политичките тензии во регионот.

Напнатоста меѓу Куба и САД е дел од долготрајни геополитички несогласувања, кои периодично ескалираат преку санкции, политички изјави и воени пораки од двете страни.