Поради зафати во електродистрибутивната и водоводната мрежа, делови од скопската општина Карпош денеска ќе останат без електрична енергија и вода.
Според информациите од ЕВН Македонија АД, прекин на електричната енергија е најавен за 30 април 2026 година, во периодот од 09:00 до 14:00 часот. Без струја ќе бидат дел од корисниците на улицата „Ловќенска“, и тоа објектите со броевите 27, 29, 31, 33, 35 и 37.
Паралелно, прекин во водоснабдувањето ќе има и на поширок потег во Карпош. Од ЈП „Водовод и канализација“ – Скопје информираат дека без вода ќе останат корисниците од Поликлиниката „Букурешт“ до „Сити Мол“.
Причината за прекинот на водата е промена на вентил во шахта на булеварот „Партизански одреди“ бр. 64А. Водоснабдувањето ќе биде прекинато од 10:00 часот и ќе трае сè до завршување на активностите.
Надлежните апелираат граѓаните да се прилагодат на најавените прекини и навреме да ги завршат неопходните обврски.
