Култните логоа на автомобилските компании се повеќе од обични визуелни елементи, тие се одраз на патувањето на брендот, вредности, наследство и историја која е испреплетена со човечката креативност. Мерцедес-Бенцовата трокрака ѕвезда, Ферариевиот коњ, Масеративиот тризабец, БМВ-ов “Roundel” се култни симболи на компаниите и брендовите.
BMW
Пред пет години BMW, како втор германски производител, по Фолцваген, го промени визуелниот идентитет на саемот во Франкфурт, на возилото Concept i4 (шести логотип во 108-годишната историја, а ниту еден не се разликува премногу од претходниот).
Логото на оваа фирма е тема на разговор децении. Службениците се непоколебливи за симболиката и немаат дилеми, но секогаш има и од оние кои најдобро знаат. Ако го прашате обичниот народ на улица, ќе добиете широк спектар на одговори.
За да ги отстранат сите сомнежи, Германците објавија приказна за значењето на “Roundel” (кружен медалјон).
Се спомнува небото кое излегува низ пропелерите на оригиналната фирма Рапп Моторверкен, но амблемот се однесува на баварското знаме. На службените страници на автомобилскиот гигант се наведува дека 5-ти октомври 1917-та, младата фирма го добила своето лого, кое било официјално регистрирано. Се задржал стариот облик на Рапп, но во него се вклучени и боите на Баварија.
Мерцедес
Познато е дека логото на Мерцедес-Бенц првично било усвоено како посвета на неговиот основач Готлиб Дајмлер и домот на фамилијата Дајмлер, но дали има повеќе симболика за овој штуртгартски гигант? Ако ги прашате претставниците на Мерцедес, одговорот е потврден: трокраката ѕвезда, како што луѓето најчесто ја перципираат, ја претставува тежната на компанијата за универзална моторизација, каде секоја точка има свое индивидуално значење, претставувајќи земја, море и воздух. Тоа се средини за кои компанијата верувала дека еден ден ќе бидат средини на доминација за оваа компанија и за нивните мотори.
Cadillac и патките кои летаат вечно
Името и логото на Cadillac настанале како фамилијарен грб на францускиот истражувач Антоан де ла Моте Кадилак. Тој бил авантурист, кој исто така се смета за основач на градот Детроит 1701 година (тогаш се викал Fort Pontchartrain du Detroit). По доаѓањето во Америка, Ла Моте ја презел својата титула од градот Кадилак во југозападна Франција. Детроит во 20-тиот век стана светски центар на производството на автомобили. Вилијам Мурфи и Хенри Леланд ја основале автомобилската компанија Cadillac и му одале почит на Ла Моте користејќи го неговото име и фамилијарната хералдика за првото лого во 1902.
Масерати и Нептун
Првото светско првенство во мото трки за производители на автомобили се одржало во 1925 година. Трите браќа Масерати ги поминале зимските месеци во 1926 година во своето седиште во Via Emilia Levante во Болонија. Работеле на автомобилот што наскоро ќе стане првиот што го направиле. Го нарекле Tipo 26, а овој број го симболизирал годината на неговото создавање.
Бил тоа првиот вистинскиа Масерати, кој немал лого. Легендата вели дека еден од браќата, Марио, шетал низ Болонија и Пијаза Мажоре. Гледал во статуата на Нептун, митолошкиот бог на морето, брат на Плутон и Јупитер, кој во уметноста често бил овековечен како старец со кадрава коса и долга брада. Во раката држел трокрак копје, тризабец.
Ферари, Ауди, Бугати
Ферариевиот коњ недвосмислено е едно од најпрепознатливите логоа во автомобилската индустрија. Како што наведуваат во Ферари, амблемот бил инспириран од телото на авион што основачот Енцо Ферари го украл од граф Франческо Бараце, пилот и воен херој во италијанските воздухопловни сили.
Четирите прстени на Аудиевот логотип ги означуваат обединувањето на автомобилските марки Ауди, Хорх, ДКВ и Вандерер.
Логото на Бугати изгледа поедноставно од споменатите ривали, но далеку од тоа да е лишено од својата симболика. Неговата црвена позадина симболизира сила и страст што возачите ја чувствуваат зад воланот.
