Фудбалската репрезентација на Иран го започна настапот на Светското првенство 2026 со реми 2:2 против Нов Зеланд, но по натпреварот вниманието го привлекоа изјавите на иранските претставници, кои се пожалија на условите за престој за време на турнирот.

Селекторот на Иран, Amir Galeno, изрази незадоволство од организацијата и логистиката со која се соочува неговата репрезентација. Според него, тимот бил принуден веднаш по натпреварот да отпатува назад во базата во мексиканскиот град Тихуана, без можност за одмор и закрепнување по мечот.

„Поминавме многу време во авион и сакавме да се опоравиме пред следните обврски, но добивме наредба веднаш да се вратиме“, изјави селекторот, додавајќи дека Иран е една од најоштетените селекции во однос на организациските услови на турнирот.

Пред натпреварот иранските фудбалери ги посети претседателот на FIFA, Gianni Infantino. Сепак, капитенот на Иран, Mehdi Taremi, изјави дека средбата не донела конкретни решенија за проблемите со кои се соочува репрезентацијата.

И покрај организациските потешкотии, Иран успеа да освои бод против Нов Зеланд откако двапати се враќаше од негатива. Сепак, во иранскиот табор во моментов повеќе се зборува за условите надвор од теренот отколку за самиот резултат на стартот од Мундијалот.

Останува да се види дали ситуацијата ќе се подобри пред следните натпревари од групната фаза, бидејќи тензиите околу иранската репрезентација очигледно не се ограничени само на случувањата на теренот.