Еден ден откако Иран го отвори Ормускиот теснец за сите бродови додека трае прекинот на огнот во Либан, теснецот е вратен под строга контрола на иранските вооружени сили.
Техеран тврди дека теснецот ќе биде блокиран сè додека САД не обезбедат целосна слобода на движење за бродовите што тргнуваат од Иран или пловат кон иранските пристаништа, како и сè додека не се постигне траен мир.
Неколку комерцијални бродови, кои исто така се обидуваа да поминат низ Хормуз, беа нападнати, објавија светските медиуми.
Во меѓувреме, американскиот претседател Доналд Трамп го предупреди Иран да не ги „уценува“ САД со промената на ставот за статусот на теснецот, но изрази оптимизам во врска со преговорите со Техеран.
Трамп претходно изјави дека американската блокада на иранските пристаништа ќе продолжи сè додека „трансакцијата со Иран не биде 100 проценти завршена“.
Врховниот лидер на Иран, Моџтаба Хамнеи, во исто време изјави дека „храбрата морнарица е подготвена да им нанесе нови горчливи порази на своите непријатели“.
