Google потпиша доверлив договор со Министерството за одбрана на САД за користење модели на вештачка интелигенција (ВИ) во владини и безбедносни операции, објави The Information, повикувајќи се на извори запознаени со ова прашање.
Спогодбата наводно му дозволува на Пентагон да ги користи ВИ системите на Google за „секоја законска владина цел“, приклучувајќи се кон компании како OpenAI и xAI во работата на одбранбени проекти, објави Ројтерс.
Се вели дека станува збор за проширување на постоечкиот договор со единицата на Google, која соработува со американската влада, додека и Пентагон и компанијата одбија да коментираат за деталите.
