Според информациите од скопската Противпожарна единица, станува збор за канцеларии на приватна фирма. Екипите на пожарната се на терен и во моментов интервенираат за локализирање на огнот.

Од пожарната засега не информираат што точно има во просториите, бидејќи објектот сè уште е во пламен.

На социјалните мрежи се појавија снимки на кои се гледа густ чад над објектот.

Повеќе информации се очекуваат по завршувањето на интервенцијата.