Од денеска возачите во Македонија точат гориво по нови цени. Најголемата промена е кај дизелот, кој поевтинува за 6,5 денари по литар, додека бензините добиваат минимално поскапување од половина денар.
Според најновата одлука на Регулаторната комисија за енергетика, новите максимални малопродажни цени изнесуваат:
- ЕУРОСУПЕР БС-95 – 88 денари за литар
- ЕУРОСУПЕР БС-98 – 90 денари за литар
- ЕУРОДИЗЕЛ БС – 85,50 денари за литар
- Екстра лесно масло за домаќинство – 87,50 денари за литар
Намалување има и кај мазутот М-1 НС, чија цена се коригира надолу за 3,238 денари по килограм и ќе изнесува 47,906 денари.
Од Регулаторната комисија објаснуваат дека новата пресметка е резултат на движењата на светските пазари, каде во изминатиот период беа забележани значителни намалувања на референтните цени на нафтените деривати. Кај бензините е регистриран пад од повеќе од 10 проценти на берзите, додека кај дизелот и екстра лесното масло исто така е забележано двоцифрено намалување.
За граѓаните и транспортниот сектор, најзначајна е корекцијата кај дизелот, кој повторно се спушта под цената на бензините и носи директно намалување на трошоците за превоз и логистика
