Аеродромот во Катанија ги суспендираше сите летови по новата ерупција на вулканот Етна во понеделникот наутро. Огромниот облак од вулкански пепел што се рашири над источниот дел на островот принуди целосна блокада на воздушниот сообраќај до 15 часот. Операторот на аеродромот апелираше до патниците да ги проверуваат статусите на летовите директно кај авиокомпаниите пред да тргнат кон терминалот.

Операторот на аеродромот во Катанија, компанијата САК, потврди дека одлуката за прекин на сите летови е донесена поради безбедносни причини откако пепелта го прекри пистата и околните зони. Етна, кој е меѓу најактивните вулкани во светот, редовно предизвикува прекини во сообраќајот за време на своите интензивни фази на активност.

Mount Etna on Sicily's east coast is erupting. Footage shows a tall volcanic whirlwind "Volnado" spinning on top of lava flows in stunning scenes recently captured. pic.twitter.com/MlTtPOzLl7

— Pacific Wire (@ChynoNews) August 9, 2026

Локалните власти соопштија дека екипите се веќе на терен и ги чистат пистите за да овозможат повторно отворање на воздушниот простор веднаш штом ќе се создадат минимални услови.

Покрај авиосообраќајот, вулканскиот пепел што падна врз околните градови и сообраќајници предизвика дополнителни мерки за безбедност. Градоначалникот на Катанија издаде наредба за привремено ограничување на брзината на движење на возилата на 30 километри на час на сите патишта во градот поради опасност од лизгање.

На граѓаните им се препорачува да носат маски на отворено за да се заштитат од вдишување на ситните вулкански честички додека трае чистењето на улиците.