За голем број луѓе ширум светот, месото е редовен дел од секојдневната исхрана, а често се консумира и на секој оброк. Но прашањето останува: дали е навистина здраво да се јаде месо секој ден? Според регистриран диететичар и нутриционист, тоа може да биде сосема во ред, но зависи од видот на месото, начинот на подготовка и целокупната исхрана.

Месото како извор на хранливи материи

Месото обезбедува важни хранливи состојки како протеини, железо и витамин Б12. Сепак, различните видови месо имаат различен нутритивен состав. Послаби (lean) видови месо, како пилешко, мисирка и некои посни делови од свинско месо, се сметаат за поздрав избор бидејќи содржат помалку заситени масти, а повеќе протеини.

Црвеното месо, особено поомасните делови од говедско и свинско, содржи повеќе заситени масти, кои се поврзуваат со зголемен ризик за висок LDL холестерол и кардиоваскуларни заболувања. Диететичарите препорачуваат црвеното месо да се консумира во ограничени количини, околу еднаш неделно.

Процесираните месни производи како сувомеснати производи, виршли и пилешки нагетси се сметаат за најмалку здрав избор поради високата содржина на сол и адитиви, како и потенцијалните здравствени ризици.

Рибата како поздрава алтернатива

Рибата, особено масните видови како лосос и туна, обезбедува корисни омега-3 масни киселини кои се поврзани со здравјето на срцето и мозокот. Полесните риби, како бакалар и други бели риби, се богати со протеини и нискокалорични, што ги прави добар избор за контрола на телесната тежина. Ако месото е дел од секојдневната исхрана, експертите препорачуваат: Избор на посни видови месо (пилешко, мисирка, риба), ограничување на црвеното месо, избегнување или минимизирање на процесирани месни производи, подготовка со поздрави методи (варење, печење, динстање наместо пржење и печење на скара) и комбинирање со зеленчук, овошје и цели житарки.

Јадењето месо секој ден може да биде дел од здрава исхрана, но клучот е во умереноста и паметниот избор на видови и начини на подготовка. Балансираната исхрана со повеќе растителни намирници останува најдобрата препорака за долгорочно здравје.