Делови од Бутел и Ѓорче Петров денеска ќе бидат без електрична енергија поради планирани технички зафати во мрежата.

Прекините се најавени во три термини и ќе траат од утринските часови до 14 часот, информира Регионалниот центар за управување со кризи, повикувајќи се на известување од ЕВН.

Од 08:00 до 10:00 часот без струја ќе бидат дел од корисниците на улиците „Натанаил Кучевишки“, „Петар Манџуков“ и „Александар Урдаревски“ во општина Бутел.

Од 10:00 до 12:00 часот прекин во снабдувањето со електрична енергија е најавен за корисниците на улиците „Петар Манџуков“ и „Благоја Вујов“ во општина Ѓорче Петров.

Последниот најавен прекин ќе трае од 12:00 до 14:00 часот, кога без струја ќе останат корисниците на улиците „Хо Ши Мин“, „Бутелска“ и „Софре Марковски“ во општина Бутел.

Од надлежните посочуваат дека станува збор за планирани исклучувања, поради зафати во електродистрибутивната мрежа.