Сообраќајна несреќа се случила вчера кај нелегалниот пешачки премин во близина на Бит Пазар, каде автомобил удрил во маж и жена додека го преминувале коловозот.

Според првичните информации, двајцата се здобиле со телесни повреди, но се надвор од животна опасност.

На местото на несреќата интервенирале екипи на Итната медицинска помош и полицијата, кои работат на утврдување на сите околности на случајот.

Оваа локација подолго време се смета за ризична, бидејќи во минатото таму се случиле повеќе сообраќајни несреќи, дел од нив и со фатални последици.

Неодамна имаше обид за затворање на нелегалниот премин, но по реакции и протести на граѓаните, работите беа прекинати.