Град Скопје најави дека во петок, 10 јули, во раните утрински часови ќе се изврши авионска дезинсекција против ларви од комарци на подрачјето на градот.

Доколку временските услови не го дозволат прскањето, дезинсекцијата ќе се изврши првиот нареден ден кога ќе има поволни временски услови, во истиот термин.

Од Градот ги известуваат пчеларите навреме да ги преземат потребните мерки за заштита на пчелите.

Авионската дезинсекција е дел од редовните активности за намалување на популацијата на комарци во Скопје, особено во периодот на високи температури и зголемена влажност, кога се создаваат услови за нивно размножување.