Пицеријата „Napoli on the Road“ од Лондон е прогласена за најдобра пицерија во светот за 2026 година, на престижните награди за пица „50 Top Pizza World Awards“.
Пицеријата, основана од шефот Микеле Паскарела, го освои првото место во силна меѓународна конкуренција, оставајќи ја зад себе минатогодишната победничка „Una Pizza Napoletana“ од Њујорк.
Победникот беше прогласен во Неапол, градот кој се смета за родното место на пицата. За Паскарела, признанието е круна на десетгодишниот развој на неговиот бизнис.
„Napoli on the Road“ започнала во 2016 година, кога Паскарела продавал пици од трицикличен „Piaggio Ape“ со печка на дрва, на улиците и локалните пазари во Лондон.
Денес, десет години подоцна, брендот има ресторани во Chiswick, Richmond и Soho, а ресторанот во Сохо нуди и дегустациско мени инспирирано од детството на Паскарела во Касерта, во јужна Италија.
„Во шок сум. Не можам да објаснам колку е големо ова признание. Ова е како Оскарите, но за пица“, изјави Паскарела по прогласувањето на победникот.
По две последователни години на врвот, „Una Pizza Napoletana“ од Њујорк оваа година се најде на второто место, додека третото место ѝ припадна на миланската пицерија „Confine“.
Рангирањето „50 Top Pizza World 2026“ е составено врз основа на оценувањето на речиси 1.000 анонимни инспектори, при што секоја пицерија била посетена двапати. Оценувани биле квалитетот на пицата, состојките, услугата и целокупното гостопримство.
Топ 10 пицерии во светот за 2026 година
1.Napoli on the Road – Лондон, Велика Британија
2. Una Pizza Napoletana – Њујорк, САД
3. Confine – Милано, Италија
4. I Masanielli – Francesco Martucci – Казерта, Италија
5. Seu Pizza Illuminati – Рим, Италија
6. Pizzeria Sei – Лос Анџелес, САД
7.Tony’s Pizza Napoletana – Сан Франциско, САД
8.Leggera Pizza Napoletana – Сао Паоло, Бразил
9.RistoPizza by Napoli sta ca – Токио, Јапонија
10.Baldoria – Мадрид, Шпанија
