Унгарскиот премиер Питер Маѓар изјави дека преговорите за замрзнатите средства од Европската унија напредуваат добро и дека планира во четврток во Брисел да потпише договор за нивно одблокирање. Тој за телевизијата RTL изјави дека веќе неколку пати разговарал и разменил писма со претседателката на Европската комисија Урсула фон дер Лајен околу ова прашање.

Економски притисок и буџетски дефицит

Според Маѓар, Унгарија има потреба од европските средства за стабилизирање на државните финансии. Тој нагласи дека наследил голем буџетски дефицит и економија која само што излегла од рецесија по долг период на стагнација. Тој додаде дека во четврток ќе бидат објавени деталите од договорот за европските фондови.

За време на истата посета на Брисел, Маѓар се сретнал и со генералниот секретар на НАТО Марк Руте, како и со белгискиот премиер Барт Де Вевер. Тој изјави дека унгарската влада очекува економски раст од околу два проценти во 2026 година, или нешто повеќе.