Настанот ќе започне на 1 ноември во 19 часот, со поздравен говор од организаторите, а веднаш потоа следи проекцијата на филмовите. Првата вечер ќе донесе селекција од четири меѓународни остварувања. Меѓу нив е „Божји пламени,“ филм со македонска копродукција во режија на Мешакаи Волф, како и кинеските филмови „Gan Zhi – Да чувствуваш, да знаеш“ од Кјара Каварзан и „Арбори, билки и банани“ од Ксијаохуи Луи. Вечерта ќе заврши со „Тоголенски проекции,“ филм на Јурген Елингхаус, што ги истражува културните релации помеѓу Того и Европа.

Втората вечер на 2 ноември ќе биде посветена на јапонската кинематографија со блок насловен „Земја во фокус: Јапонија.“ Овој дел ќе вклучи проекции на „Чикара – синот на сумо борачот“ на Сајмон Леренг Вилмонт, документарецот „Сонувајќи го Мураками“ од Нитеш Ањаан и долгометражниот „Создавање на еден Јапонец“ во режија на Ема Рајан Јамазаки. Публиката ќе има можност да погледне и македонски филмови, како „Патот на престапникот“ на Александар Ковилоски и „Хембој“ по сценарио на Елизабета Конеска.

Фестивалот, кој оваа година го слави своето јубилејно десетто издание, претставува значајна платформа за етнографскиот филм и придонесува за унапредување на културната свест и интеркултурниот дијалог.