Силен земјотрес со магнитуда од 7,6 степени денеска го погоди подрачјето долж јужниот брег на Панама, јавува „Ројтерс“, повикувајќи се на Американскиот геолошки институт (USGS). Земјотресот е регистриран на длабочина од десет километри.
Поради земјотресот постои опасност од цунами на делови од пацифичкиот брег на Средна и Јужна Америка. USGS првично ја процени магнитудата на земјотресот на 8,0 степени, но подоцна ја намали на 7,6. Засега нема извештаи за материјална штета во Панама.
🚨🇵🇦🌊 EN IMAGES | Le tremblement de terre du Panama a été filmé en direct par la télévision. https://t.co/dGyfnPDaSG
— Cerfia (@CerfiaFR) October 9, 2026
Земјотресот ги затресе зградите во главниот град Панама Сити, каде што луѓето ги напуштаа објектите и излегуваа на улиците. Вознемирените жители се собираа на отворено и чекаа информации за можните последици од потресот.
„Силно го почувствувавме. Во кујната работите се превртуваа, но добри сме, иако сме многу исплашени. Сите се надвор и преплашени“, изјави за „АП“ 60-годишниот Росендо Домингез од провинцијата Херера, каде што се случил земјотресот.
#PANAMÁ: Terremoto de magnitud preliminar 7.7 interrumpe -en vivo- un programa deportivo en la ciudad de #Santiago 🇵🇦, a 60 km de distancia del epicentro.📍 Fuente: USGS. Video: Deportes RPC. https://t.co/Q8vkPwvQ7p
— 𝗔𝗦𝗜𝗦𝗠𝗘𝗧 (@Asismet_IF) October 9, 2026
Американската национална метеоролошка служба издаде предупредување за цунами за бреговите на Панама, Колумбија, Еквадор, Никарагва и Гватемала.
Земјотресот се почувствувал во Панама Сити, главниот град на Панама, но и во Сан Хозе, главниот град на соседна Костарика. Според пишувањата на локалните медиуми, потресот се почувствувал и во делови од соседна Колумбија.
Цивилна заштита на Панама објави дека проверува каква штета настанала во подрачјата близу епицентарот на земјотресот.
