Најмалку неколку лица загинаа, а десетици се повредени во силниот земјотрес во Јапонија што го погоди јужниот остров Кјушу. Властите повикаа околу 300.000 жители да се евакуираат поради серијата последователни потреси. Американскиот геолошки завод ја процени магнитудата на 6,8 степени, додека Јапонската метеоролошка агенција првично објави 7,1 степен. Спасувачките екипи и војската трагаат по десетици исчезнати работници во срушен трговски центар во префектурата Кумамото.
Во градот Кумамото дојде до делумно уривање и експлозија во трговскиот центар „Аеон Мол“. Полицијата и локалните медиуми потврдија дека има повеќе загинати, а спасувачките служби не можат да стапат во контакт со меѓу 20 и 30 вработени за кои се стравува дека се заробени под урнатините. Комплексот неодамна беше обновен по претходниот разорен потрес што го погоди овој регион пред една деценија.
🇯🇵 An explosion occurred at the Aeon Mall Kumamoto shopping center on the Japanese island of Kyushu, damaging the walls and roof, NHK reported.
— Маrina Wolf (@volkova_ma57183) July 28, 2026
People may have been trapped under the rubble. At least 200 people were evacuated to the parking lot. pic.twitter.com/r1PLpbWf29
Бројот на повредени во болниците рапидно расте. Во една од локалните болници се примени над 50 лица, додека во друга се лекуваат околу 40 повредени, од кои десет се во тешка состојба. Неколку патници се повредени и во брз воз кој возел во моментот на потресот. Најмалку 40.000 домаќинства во префектурата Кумамото останаа без струја, а во градот Хикава прекинато е и снабдувањето со вода.
Јапонската агенција за управување со катастрофи објави дека околу 300.000 луѓе добиле повик да се засолнат во центрите за евакуација. На терен се испратени неколку стотици војници за поддршка на спасувачките операции. Јапонската премиерка Санае Такаичи изјави дека заштитата на човечките животи е апсолутен приоритет и ги повика граѓаните на максимална претпазливост поради над 60 регистрирани последователни потреси.
Префектурата Кумамото беше погодена од серија смртоносни потреси и во април 2016 година, кога во бранот земјотреси загинаа 278 лица. Метеоролошката агенција предупреди дека сегашната серија потреси бара висока подготвеност, бидејќи подрачјето Кјушу останува оштетено и чувствително на дополнителни свлечишта и уривања.
