Извршниот директор на Марк Закерберг, наводно ѝ дал зелено светло на компанијата Meta Platforms да развие сопствена апликација за предвидување на идни настани, според извештај на „Њујорк Тајмс“. Со тоа, компанијата се обидува да влезе во еден од најбрзорастечките сектори во технологијата и финансиите.

Проектот внатрешно се нарекува „Аренa“ и би овозможил корисниците да заработуваат поени со точно предвидување на спортски резултати, политички настани и движења на берзите, но без користење вистински пари во почетната фаза. Апликацијата би функционирала одвоено од постојните социјални платформи на Мета, иако тие би можеле да се користат за привлекување корисници.

Што е „prediction market“ и како функционира

„Prediction market“ е вид финансиски пазар каде луѓето купуваат и продаваат договори врз основа на исходи од реални настани. Тоа може да бидат избори, спортски натпревари или економски движења. На платформите како Полимаркет и Калши, секој договор исплаќа фиксен износ ако прогнозата е точна, а ништо ако е погрешна. Цената на договорите ја одразува веројатноста за одреден исход на пример, ако договор чини 0,40 долари, пазарот проценува околу 40% шанса за тој настан.

Поддржувачите тврдат дека ваквите пазари често се попрецизни од анкети и аналитичари, бидејќи учесниците ризикуваат вистински пари.

Раст на индустријата и ризици од злоупотреби

Полимаркет, основан во 2020 година од Шејн Коплан, работи глобално преку блокчејн технологија. Во октомври 2025 година, матичната компанија на Њујоршката берза инвестирала 2 милијарди долари во платформата, што покажува дека Волстрит сериозно ја прифаќа оваа индустрија.

Калши, основана во 2018 година од двајца дипломци на Технолошкиот институт во Масачусетс, со години добивала регулаторни дозволи и станала првата официјално регулирана платформа за предвидувања под надзор на американската Комисија за трговија со фјучерси (CFTC).

Сепак, индустријата се соочува со сериозни проблеми: обвинувања за нелегално коцкање, правни спорови меѓу федерални и државни власти, како и случаи на злоупотреба на инсајдерски информации. Во еден случај, поранешен припадник на специјални сили бил обвинет дека користел доверливи информации за воена операција во Венецуела за да оствари добивка од околу 400.000 долари на Полимаркет.

Неизвесна иднина за новиот проект на Мета

Останува нејасно дали проектот на Meta Platforms ќе успее да ги избегне истите проблеми со кои се соочуваат постоечките платформи. Иако почетната верзија би била игра со поени без вистински пари, експертите предупредуваат дека ваквиот модел лесно може да се претвори во форма на дигитално обложување. Засега не е јасно дали „Аренa“ ќе остане забавна платформа или ќе прерасне во сериозен финансиски пазар за предвидувања.